©️ A509 | Maten an m leve
M ap gade ti ponm
Figi pòtoprens
Kè m kase vip
Mwè yon figi chifonnen
Yon figi sispèk
Yon figi plen bouton
Yon figi ki di
Se twòp atò
Yon figi pachiman
Yon figi kolboso
Sou zòrye ranyon
Yon figi dekourajman
Yon figi lanmou fè grèv
Yon figi solèy rayi
Yon figi fè nwa achte
Yon figi lanmò abite
Yon figi chagren
Yon figi depaman
Yon figi bwa kale
Yon figi dlo je fouye
Yon figi ajenou
Douvan tonm bawon samdi
Pòtoprens pèdi
Pòtoprens pete kouri
Potoprens pye atè
Pòtoprens pete kriye
Pòtoprens rechinya
Pòtoprens raz
Pòtoprens lèd
Pòtoprens plen baz
Pòtoprens vil kamikaz!
✍️ LEPS le MAGnifik
©️ Antenne 509 | A509
©️ PLUS QUE L’INFORMATION !
©️ Septembre 2025